News

Review: The Rebelz & Vamper - Cosmik

Details

Erstellt am Montag, 16. Januar 2012 15:54

Geschrieben von Cedsn (DJ Notec)

Di italienischa Hardstyle-Artista hän immer viel zur Szena beitreht und oh desmol häts weder an Release vo epa amna Monat geh wo s Wert isch mol dri z luaga.

Zatox isch mit sina italienischa Hardstylekollega zemmaghockt und hät nochdem er an super Qlimax Anthem usabrocht hät nomol an druf gleht.

Der track wörender worschinli scho us DJ Notec - Set14 kenna. I ha na darum usgwählt, weil i miar seher gse bi, dass der Track ad Spitza vo da Hardstylecharts klettert (und es isch denn oh passiert  ). Najo warum eigentlich oh ned? D Vocals harmonieren perfekt mit dr Melodie und d Synth bringen genau der spezielle italienische Flair in track wo ma vom Zatox und Vamper erwartet. I im speziella bi immer scho an grossa fan vom Vamper gse, oh wenn sini letschta releases ned so dr hammer gse sin...

S Intro zum Qlimax fangt glei d Ufmerksamkeit vom listener und d Baseline im Qlimax hät der lichte RAW-Style wia ma na vom Zatox kennt. Wo i des Liad zum ersta mol ghört ha han i afet ufstoh mössa und bi vo luter Euphorie zur Baseline im Kreis gsprunga: ENDLICH weder mol an track wo di dazua zwingt einfach uszraschta :D Ha denn druf an lustiga Post im Internet gfunda vomna Hardstyledjkolleg: "This track is filled with so much energy and emotion, I just want to rip out my non-existent hair and eat it. That sounds crazy right? Well, that's exactly what this does to me." (DJ Ryan, Belgien)

---

Dr zwote Release im EP isch mit em The Rebelz. Wer vllt ned so up to date isch was s Hardstyle-Promileba ahgoht: The Rebels hän sich us diversa Gründ trennt und derjenige wo bliba isch, hät sich an neua Nama suacha mössa. Darum isch us em "s" a "z" wora und er hast jetzt "The Rebelz". S midintro vo dem track hät für mi an lichta Hardcore style aber klingt mit da verzerrta und verzogena Stimma super. Dafür han i dr Qlimax weniger begeisternd gfunda. D Melodie hät für mi fast nüt Spezielles und darum hät sie mi oh ned so in Fang gnoh wia dr Track mit dem Vamper. Aber im Groba und Ganza an super Track mit geila Raw-Element.

---

Dr 3. Rlease hät mi erlich gseht kle verwirrt. S Midintro hät lichte Scratchelement (was jo anundfürsich klassisch isch) und endet denn im break zum Qlimax. Dr Ufbau zum Qlimax hät a sehr emotionale Melodie und denn uf amol hängt dr track..

Zersch han i denkt min Pc hängt oder söscht was aber nei, es ghört effektiv zum track. I finds a sehr verwirrendes Element weil ma es ned erwartet. Aber viellicht isch es jo oh genau d Absicht vo The Rebelz und Vamper gse: Verwirrig z schaffa und denn mit ara unterbrochana Melodie im Kopf dr Qlimax z spüra. Finds aber an geniala Track, abgseha vo dem "Ruckel" a der i mi leider no immer ned dra gwöhnt ha

Zemmagfasst isch es weder an super EP Release vo da grössta italienischa Hardstyledjs gse (Tatanka fehlt ). I bi mr seher das mr oh i dr Zukunft geniali Sacha vo ihna höra wören.

(Quelle: Youtubechannel von Italian Hardstyle)