News

Hard Bass 2012

Details

Erstellt am Sonntag, 08. Januar 2012 20:19

Geschrieben von Cedsn (DJ Notec)

Bald isch es weder sowit und an vo da gröschta Hardstyle Events, wo i dem Johr stattfinda wörd, isch ahkündigt wora. Am 11. Feb. findet zum 4. mol HARD BASS im GelreDome (Arnhem) statt. Wia immer wören di besta Hardstyledjs ufteilt i 4 verschiedene Teams (Gelb, Rot, Grün, Blau) und präsentieren di härtesta Beats für alli Hardstylefans.

Desjohr wörd dr Anthem niamert andersch als dr Revolutionär ir Hardstyleszena macha: Headhunterz. Imna Interview hät er gseht, dass er sich freut dr Anthem macha z dörfa. Usserdem hät er gseht, dass der Anthem ihm gholfa hät sini Inspiration für 2012 z finda. Also könn miar üs scho uf an super Anthem freua, wo villicht a betzle verrotet, weller Weg dr Headhunterz im neua Johr go wörd.

Natürlich wörd dr Event weder begleitet vo ara Radioshow dia 4 Wocha davor startet mit folgenda Djs on air:

19. Januar - TEAM GELB gmixt vo Toneshifterz

26. Januar - TEAM ROT gmixt vo Deepack

02. Februar - TEAM GRÜN gmixt vo Zatox

09. Februar - TEAM BLAU gmixt vo Alpha2

D Radioshow ka ma do verfolga und do no dr Link für dr Event!

(Quelle: b2s.nl)